www.guinayangan.com

The official website of the Municipality of Guinayangan, Quezon

JANUARY 2008

Maraming nabago sa hitsura ng simbahan ng bayan ng Guinayangan ng nakaraang 2007 sa pamumuno ni Rev. Fr. Jose Pancrasio Seco ( Kura Paroko ) at ni Fr. Romel Rosales.

Ang altar ay puro marmol, ang flooring ng simbahan ay gawa sa tiles, ang  mga upuan ng nagsisimba ay bagong repair at pinturado, ang “12 mystery” na nakapalibot sa loob ng simbahan ay pinalitan ng  “marmol with glass picture”, mayroon na ring “comfort room” para sa mga nagsisimba  at higit sa lahat, ang simbahan ngayon ay mayroon ng pakaganda-ganda at “fully aiconditioned confession room”. Noong naandon nga ako sa loob ng confession room, parang gusto ko na kaagad mangumpisal ( joke lang…..kokonti pa po naman ang kasalanan ko, sabi ng sarili ko ), ganoon  kaganda iyon.

Kung kayo  naman ay lalabas ng simbahan, sa may gawi ng munisipyo, mapapansin nyo ang groto na bagong gawa. Inabot iyon ng humigit-kumulang ng 150,000 pesos. Ito ay donasyon ni “ Late Vicente Aguilar and Family” na naninirahan sa “ California , USA ”. 

Ang laki na ng improvement ng ating simbahan. Ang hindi na lang nagagawa ay ang kisame at playground, nag-iipon pa ng budget mga kabayan. Kaya’t kung sino pang may mabuting kalooban na gustong magdonate ay dalawang kamay po’ng  tinatangap ng ating simbahan. Pareng Arthur Ardiente, tinatawagan ka……..biro lang, pero kung tototohanin mo maraming salamat.

At ang huling bago sa ating simbahan ngayon ay ang ating Kura Paroko. Opo mga kabayan, lilipat na si Rev. Fr. Pancho at si Fr. Romel ngayong  Jan. 9, 2008. Ang ating magiging bagong Kura Paroko ay si Rev. Fr. Ibarra Zoleta.

Ako ay nagpapasalamat kina Dada Lobarbio,  Roda Gonsales at Totoy Aguilar sa pagbibigay ng impormasyon upang maisulat ko ang artikulong ito.

Ang bagong  Municipal Health Center ng Guinayangan, Quezon ay itinatayo na. Ito ay matatagpuan sa compound ng Municipal Public Market sa Brgy. Calimpac.

Ang konstruktyon ng nasabing gusali ay sinimulan noong November 2007 at matapos sa Abril 2008, na pinamahalaan nila Engr. G. Arguilles  (Project Manager ), Engr. R. Narte ( Project Coordinator ) at Engr. E.Villanea ( Project Engineer ). 

Ang nasabing gusali ay may kabuang budget na 8.2 milyong piso. Ito ay may floor area na 450 sq.meter, 2 palapag ang taas at may 14 na mga kuwarto kasama na ang conference room.

Sa May 2008  ang susunod na artikulo tungkol sa bagong tayong Municipal Health Center, sasamahan ko ng litrato para makita nyo ang hitsura ng “building” at mga kuwarto o “office” ng nasabing gusali.

Ako ay nagpapasalamat kay Engr. Gloria Cleope ( Information System Analyst – MPDC Office ) sa mga impormasyon para maisulat ko ang article na ito.  

Ito kagad ang salitang pumasok sa isipan ko ng makita ko ang kanyang ginagawa taon-taon simula ng umuwi ako dito noong 2004. May nagsabi sa akin na matagal na raw niyang ginagawa ito taon-taon. Ano ba itong  sinasabi ko? Narito ang kwento mga kabayan……. 

Siya at ang kanyang maybahay ay dumarating dito tuwing kalagitnaan ng Disyembre mula Amerika. Magpapahinga lang siya ng 2 araw at magsisimula ng mamigay ng mga damit, sapatos at mga laruan sa ating kababayan partikular na sa mga mahihirap. Ayon pa sa nagbigay ng impormasyon sa’kin na “80 to 100 balik-bayan box” ang kanyang ipinamimigay na regalo sa ating mga kababayan. Siya ay gumagastos ng humigit-kumulang sa 1 milyong piso taon- taon kasama na ang transportasyon nilang mag-asawa pabalik ng Amerika. Pagkalipas naman ng pasko at bagong taon, ang mga pumupunta naman ay nagpapa-konsulta at humihingi ng gamot. Silang mag-asawa ay umaalis pabalik ng Amerika tuwing kalagitnaan ng Enero.

Ang tinutukoy ko ay si Dr. Archie Garcia at ang kanyang maybahay na si Gng. Bebe Garcia. Sila ay naninirahan sa “ Chicago USA ”. Biniyayaan ng 4 na anak, pare-parehong may pamilya na at naninirahan sa Amerika. Si Dr. Archie Garcia ay isa sa magkakapatid na may-ari ng Guinayangan Academy ( GA high-school ).

Maraming salamat po sa inyong mag-asawa dahil wala po kayong kasawa-sawa sa pagtulong sa ating mga kababayan. Mabuhay po kayo at maligayang kaarawan po Dr. Archie Garcia noong Enero 9, 2008.

Back to NEWS FRONTPAGE